The Jute Mill Song by Mary Brooksbank

Oh dear me, the mill's gaen fast,
The puir wee shifters canna get their rest,
Shiftin bobbins, coorse and fine,
They fairly mak ye work for your ten and nine.

Oh dear me, I wish the day was done,
Rinnin up and doon the pass is nae fun.
Shiftin, piecin, spinnin, warp, weft and twine,
Tae feed and cleed my bairnies affen ten and nine.

Oh dear me, the world's ill-divided,
Them that work the hardest are the least provided,
But I maun bide contented, dark days or fine.
There's no much pleasure living affen ten and nine.

http://www.grahamstevenson.me.uk/index.php?option=com_content&view=article&id=70:mary-brooksbank&catid=2:b&Itemid=98